مەودا میدیا-

وته‌بێژی وه‌زاره‌تی ده‌ره‌وه‌ی ئێران رایدەگەیەنیت سه‌ره‌ڕای ڤایرۆسی كۆرۆنا عیراق دەیەوێت كه‌ سنووره‌كانی له‌گه‌ڵ ئێراندا كراوه‌بن ئاماژە بەوەش دەکات سێ ده‌روازه‌ی سنووری له‌نێوان ئێران و هه‌رێمی كوردستاندا كراوه‌ن.

عه‌باس موسه‌وی، وته‌بێژی وه‌زاره‌تی ده‌ره‌وه‌ی ئێران بە رۆژنامە نوسانی  رایگه‌یاند "وڵاتانی دراوسێ و له‌ناویشیاندا عیراق له‌گه‌ڵ ئه‌وه‌دان سه‌ره‌ڕای مه‌ترسیه‌كانی ڤایرۆسی كۆرۆنا سنووره‌كانیان له‌گه‌ڵ ئێراندا به‌كراوه‌یی بمێننه‌وه‌ بۆ ئه‌وه‌ی ئاڵوگۆڕی بازرگانی به‌رده‌وام بێت".

موسەوی ئاماژەی بەوەشکرد "ئاڵوگۆڕە بازرگانییەکان لەگەڵ هەرێمی کوردستان بەردەوامن و سێ ده‌روازه‌ی سنووری له‌نێوان ئێران و هه‌رێمی كوردستاندا كراوه‌ن".