مەودا میدیا-

پۆلیسی پارێزگای هەولێر بڵاویكردەوە، دوای بەدواداچوونی ورد توانرا بازرگانێكی ماددەی هۆشبەر دەستگیربكرێت و پێشتر چەندین كەس ماددەیان لێكڕیووە.

پۆلیسی هەولێر بڵاویكردەوە "دوای ئەوەی بەڕێوەبەرایەتیی پۆلیسی پارێزگای هەولێر كەسێك بە تۆمەتی بەكارهێنانی ماددەی هۆشبەر لە جۆری (كریستاڵ) دەستگیر كرد، دانی بەوەدا ناوە كە ماددەی هۆشبەری لە بازرگانێكی ماددە هۆشبەرەكان كڕیوە".

ئەوەشی خستەڕوو " دوای لێكۆڵینەوەیەكی چڕ، بە پلانێكی ورد توانرا بازرگانەكەی ماددە هۆشبەرەكان بە ناوی (ج.خ.ف)، و بەپێی ماددە (14)ی هۆشبەر لە یاسای سزادان، دەستگیر بكرێت".