مەودا میدیا-

نوێنەری حكومەتی هەرێمی كوردستان لە بەغدا دەڵێت، لێكتێگەشتنی باش هەیە لە نێوان هەرێم و بەغدا و پێمان وایە ئەنجامی دڵخۆشكەری دەبێت و رێكدەكەوین.

فارس عیسا، نوێنەری حكومەتی هەرێمی كوردستان لە بەغدا بە مەودا میدیای راگەیاند "كۆبوونەوەكانی شاندی هەرێمی كوردستان و بەغدا لە بارەی پرس و كێشەكانی نێوان زۆر بە باشی بەڕێوەدەچن و بڕیارە لە داهاتووشدا بەردەوامبن".

ئەوەشی خستەڕوو "هەنگاو زۆر باشنراوە و لێكتێگەشتن لە نێوان هەردوولا هەیە لەسەر پرسی نەوت و شایستە داراییەكان و پێمان وایە لە داهاتوویەكی نزیكدا ئەنجامی باشی دەبێت".

پێشتر ئەوە بڵاوكرایەوە كە كابینەی نوێی حكومەتی عیراق رەزامەندی لەسەر ناردنی مووچەی مانگی چواری فەرمانبەرانی هەرێمی كوردستان داوە و تەنیا ماوەتەوە سەر رێككەوتنی هەرێم و بەغدا.