مەودا میدیا-

وته‌بێژی وه‌زاره‌تی ته‌ندروستی ئێران رایدەگەیەنێت له‌ 24 کاتژمێری رابردوودا هه‌زار و 806 كه‌س تووشی ڤایرۆسی کۆرۆنا بوون، بەمەش ژمارەی تووشبووانی کۆرۆنا لەو وڵاتە 120 هەزار کەسی تێپەڕاند.

كیانووش جیهانپوور، وته‌بێژی وه‌زاره‌تی ته‌ندروستی ئێران ئاشکرای کرد "له‌ ماوەی 24 کاتژمێری رابردوودا هه‌زار و 806 كه‌س تووشی ڤایرۆسی کۆرۆنا بوون، بەمەش ژمارەی تووشبووانی کۆرۆنا گەیشتە 120 هه‌زارو 198 كه‌س".

وته‌بێژی وه‌زاره‌تی ته‌ندروستی ئێران ئەوەشی خستەڕوو "هەر لە 24 کاتژمێری رابردوودا 6 هه‌زار و 988 كه‌سیش به‌هۆی كۆرۆناوه‌ مردوون، هەروەها‌ 94 هه‌زار و 464 كه‌سی تووشبووش لە ڤایرۆسەکە چاكبوونه‌ته‌وه"‌.