مەودا میدیا-

لە دوای راگەیاندنی قەدەغەی هاتووچۆ لە لایەن وەزارەتی ناوخۆی حكومەتی هەرێمی كوردستان، وەزارەتی تەندروستی هۆشداری دەداتە هاوڵاتیان.

محەمەد قادر، وتەبێژی وەزارەتی تەندروستی حكومەتی هەرێمی كوردستان رایگەیاند "پێویستە لە رۆژانی جەژنی رەمەزان هاوڵاتیان بەبێ تەوقە و ماچكردن جەژن بەڕێ بكەن و ماسك و دەستەوانە بەكاربهێنن".

هەروەها باسی لەوەشكرد "پێویستە هاوڵاتیان بە تەواوی پابەندی مەرج و رێنماییە خۆپارێزییەكان بن و خۆیان بپارێزن".

لە لایەكی ترەوە تەندروستی سلێمانی داوای لە هاوڵاتیان كرد پابەندی رێنماییەكان بن و خۆیان بپارێزن، بەو شێوەیە مەترسی تووشبوون بە كۆرۆنا كەمتر دەبێت..