مەودا میدیا-

بەبۆنەی جەژنی رەمەزانەوە حكومەتی هەرێمی كوردستان بۆ ماوەی پێنج رۆژ پشوو لە سەرجەم دام و دەزگاكانی خۆی رادەگەیەنێت و لە هەفتەی داهاتووەوە دەستپێدەكات.

بەپێی دوایین لێكدانەوەكان، رۆژی یەكشەممەی داهاتوو، كە دەكاتە 24ی ئایار، یەكەم رۆژی جەژن دەبێت و بەو هۆیەوە حكومەتی هەرێم لە رۆژی شەممەوە دەیكات بە پشوو تا رۆژی شەممەی داهاتوو.

بەوپێیە تەواوی هەفتەی داهاتوو پشوو دەبێت لە دام و دەزگاكانی حكومەتی هەرێمی كوردستان  و بەشێك لەو پشووەش وەك خۆپارێزییەك دەبێت لەو دۆخەی ئێستا تا هاوڵاتیان و فەرمانبەران لە دایرەكان بەریەككەوتنیان نەبێت.