مەودا میدیا-

سەرنوسەری سایتی سەرۆکایەتی کۆماری عیراق و ئەندامی ئەنجومەنی گشتی هاوپەیمانی بۆ دیموکراسی و دادپەروەری پێشوو لە نوسراوێکدا دەست لەکارکێشانەوەی خۆی لە سەرنوسەری سایتی سەرۆکایەتی کۆمار راگەیاند.

بەختیار محمود، سەرنوسەری سایتی سەرۆکایەتی کۆماری عیراق ئەمڕۆ لە لاپەڕەی تایبەتی خۆی لە تۆڕی کۆمەڵایەتی فەیسبووک رایگەیاند "دوای چەندین وێستگەی سەختی یەک لە دوای یەک لەگەڵ بەڕێز بەرهەم ساڵح ، هەر لەسەرەتای دروست بوونی هاوپەیمانی بۆ دیموکراسی و دادپەروەری و دواتر لە سەرۆکایەتی کۆماری عیراق، و لە نزیکەوە کارکردنی پێکەوەیی". 

ئاماژەی بەوەشکردووە "لە ئێستادا بە هەموو لایەک ڕادەگەیەنم کە لە ئەمڕۆوە هیچ پەیوەندییەکم بە ناوبراوەوە نەماوە و بێ بەری بوون و پەیوەندی پچڕانم بە ناوبراوە رادەگەیەنم".