مەودا میدیا-

بەپێی هەواڵی میدیاکانی سعودیە تائێستا مانگ نەبینراوە، بۆیە سبەی شەممە تەواوکەری مانگی رەمەزانە و دووسبەی یەکشەممەش یەکەم رۆژی جەژنی مانگی رەمەزانە.

میدیاکانی سعودیە بڵاویانکردەوە، تائێستا مانگ نەبینراوە، لەبەر ئەمەش رۆژی شەممە 23ی ئایاری 2020 تەواوکەری مانگی رەمەزان دەبێت و رۆژی یەکشەممەش 24ی ئایاری 2020 یەکەم رۆژی جەژن دەبێت

هەروەها میدیاکانی ئەو وڵاتە ئەوەشیان خستووەتەڕوو، ئەو بابەتەش لە چەند کاژێری داهاتوودا لە لایەن دادگاوە یەکلایی دەکرێتەوە. 

جێگای ئاماژەیە، لە ئێستادا لیژنەی باڵای بینینی مانگ لە هەرێمی کوردستان لە کۆبوونەوەدایە بەمەبەستی چاودێریکردنی مانگ بۆ دیاریکردنی یەکەم رۆژی جەژن.