مەودا میدیا-

ئه‌مه‌ریكا 100 هه‌زار كه‌س دەخاتە ژێر تاقیکردنەوە و ئاماده‌كاری بۆ تاقیكردنه‌وه‌ی جۆره‌كانی پێكوته‌ی دژه‌ كۆرۆنا ده‌كات لەسەر ئەو  100 هەزار کەسە کە خۆ بەخشانە ئامادەن  ڤاكسینه‌كان  تاقی بکەنەوە.

 ئاژانسی هه‌واڵی رۆیته‌ر لە چەند سەچاوەیەکی پزیشکی ئەمریکا راگه‌یاندووه "دوای تاقیكردنه‌وه‌ی جۆره‌كانی ئه‌و ڤاكسینانه‌ی بۆ چاره‌سه‌ری په‌تای كۆرۆنا ده‌ستنیشان كراون له‌سه‌ر ئه‌و خۆبه‌خشانه‌، هه‌ڵسه‌نگاندن بۆ ئه‌نجامه‌كان ده‌كرێت و له‌ناو ته‌واوی جۆره‌كان باشترین و سه‌لامه‌تترینیان هه‌ڵده‌بژێردرێت".

ئاماژە بەوەشکراوە " ژماره‌یه‌ك كۆمپانیای به‌رهه‌مهێنانی ده‌رمان و ڤاكسینه‌كان له‌ ئه‌مه‌ریكا له‌سه‌ر ئاڵوگۆڕكردنی زانیارییه‌كانیان رازی بوونه‌، بۆ ئه‌وه‌ی هه‌ریه‌كێكیان له‌كاتی شكستهێنانی پێكوته‌كه‌ی ئه‌نجامی تاقیكردنه‌وه‌كه‌ی پێشكه‌ش به‌ ركابه‌ره‌كانی بكات".