مەودا میدیا-

بەڕێوەبەری گشتی تەندروستیی ئیدارەی گەرمیان رایدەگەیەنێت، تووشبوون بە كۆرۆنا لە ناوچەكە لە زیادبووندایە و بەو شێوەیەی ئێستا بەردەوام بێت كارەسات روودەدات.

سیروان محەمەد، بەڕێوەبەری گشتی تەندروستيی ئیدارەی گەرمیان رایگەیاند "تووشبوون بە كۆرۆنا لە گەرمیان رووی لە زیادبوون كردووە و پێویستە هاوڵاتیان زیاتر پابەندی هاوڵاتیان رێنماییەكان بن".

ئاماژەی بەوەشكردووە "تا ئێستا حەوت هەڵگری ڤایرۆسی كۆرۆنا گیانیان لە دەستداوە و بەردەوام لە زیادبووندان".

باسی لەوەشكردووە "بەشی هەرەزۆری پزیشك و كارمەندانی تەندروستی بەهۆی دواكەوتنی مووچە و پێنەدانی مووچە دەوام ناكەن و بەو شێوەی ئێستا بەردەوام بێت كارەسات روودەدات".