مەودا میدیا-

جێگری سەرۆكی ئەنجومەنیی پارێزگای سلێمانی رایدەگەیەنێت، نوسراومان ئاراستەی سەرۆكی ئەنجومەن كردووە بۆ ئەوەی نوسراو بۆ حكومەتی هەرێمی كوردستان بكات لە پارەی خزمەتگوزارییەكانی ئەم مانگەی هاوڵاتیان خۆشبێت.

بەرزان شێخ محەمەد، جێگری سەرۆكی ئەنجومەنیی پارێزگای سلێمانی بە مەودا میدیای راگەیاند "حكومەتی هەرێمی كوردستان بڕیاریداوە بۆ مانگی شوبات هەر فەرمانبەرێك پارەی لێ ببڕدرێت، پێویستە لە بەرانبەر ئەو بڕینەدا، حكومەتیش هەستێت بە سوككردنی باری سەرشانی هاوڵاتیان و بۆ ئەوەی هەقیان بۆ بكاتەوە و هێندەتر دۆخی دارایی خراپ نەبێت.".

ئەوەشی خستەڕوو "ئێمە بۆ ئەوەی لەو مانگەدا حكومەت لە پارەی خزمەتگوزاری ئاو و كارەبای هاوڵاتیان خۆش بێت و ئەركیان زۆر نەكەوێتە سەر، نوسراومان بۆ سەرۆكی ئەنجومەنی پارێزگای سلێمانی كردووە بۆ ئەوەی حكومەت ئاگادار بكاتەوە".

وتیشی "ئەنجومەن خۆی دەسەڵاتی ئەو بڕیارەی نییە بیدات، بۆیە حكومەت ئاگادار دەكاتەوە".