مەودا میدیا-

نوێنەری رێكخراوی ته‌ندروستیی جیهانی رایدەگەیەنێت 200 ئامێری هه‌ناسه‌دانی دەستکرد گه‌یشتووەتە عیراق، ئەوەشی خستەڕوو ئەو ئامێرە  بەسەر پارێزگاكان دابه‌ش ده‌كرێت.

ئه‌دهه‌م ئیسماعیل، نوێنه‌ری رێكخراوی ته‌ندروستیی جیهانی رایگەیاند "رێكخراوەكە 300 ئامێری هه‌ناسه‌دان له‌ گه‌نجیینه‌كانی دوبه‌ی بۆ عیراق دابینکردووە و پارەکەی دراوە، لەو ژمارەیەش 200 ئامێر گەیشتووەتە عیراق".

ئاماژەی بەوەشکرد "ئەو ئامێرانە بەسەر پارێزگاكان دابه‌ش ده‌كرێت، لە رۆژانی داهاتووشدا ئەو 100 ئامێرەی دیکەی کە ماوە دەگاتە عیراق".

نوێنەری رێكخراوی تەندروستی جیهانی ئەوەشی خستەڕوو "ئه‌و ئامێرانه لە هەواوە ئۆکسجین دروست دەکەن و ئەمەش وادەکات‌ پێویستییان به ‌بوتڵی ئۆكسجین نەبێت".