مەودا میدیا- سازگار ئەحمەد

لە ئێستادا خوێندکاران سەرقاڵی ئەنجامدانی تاقیکردنەوەکانی کۆتایی وەرزی یەکەمن بەپێی خشتەی پشووەکان لەدوای کۆتایی هاتنی تاقیکردنەوەکان لە ناوەندەکانی خوێندن هەشت رۆژ دەکرێتە پشوو.

مەریوان عومەر، وتەبێژی بەڕێوبەرایەتی گشتی پەروەردەی سلێمانی بە مەودا میدیای راگەیاند "لەدوای کۆتایی هاتنی تاقیکردنەوەکان بەپێی خشتەی پشووەکان لە رۆژی 17ی کانونی دووەم تاوەکو 23ی کانونی دووەمی 2020 پشووی فەرمی دەبێت لەسەرجەم ناوەندەکانی خوێندن لە هەرێمی کوردستان".

ناوبراو ئەوەشی خستەڕوو "رۆژی 23ی مانگ کە کۆتایی بە پشووەکە یەت دەکاتە رۆژی پێنجشەممە، بۆیە تاوەکو رۆژی 25ی مانگ  دەوام ناکرێت و لە  رۆژی شەممە 25ی  کانونی دووەمی 2020 دەوامی ئاسایی لەسەرجەم ناوەندەکانی خوێندن دەستپێدەکاتەوە".