مەودا میدیا- 

سەنتەری یەكێتیی ئەڵمانی بۆ خۆراك رایگەیاند قۆخ سوودی زۆری تەندروستیی هەیە، لەپێشی هەموویانەوە بەسوودە بۆ دڵ و بەرگری و پیست.

سەنتەرەكە ئەوەشی راگەیاندووە كە قۆخ مەڵبەندێكی گەورەیە لە ڤیتامینات و كانزاكان، كە دەوڵەمەندە بە ڤیتامین  Aو Bو Cو D و Kو پۆتاسیۆم و مەگنیسیۆم.

بەشێوەیەك تەنیا 100 گرام قۆخ 48 كالۆری تێدایە بەبێ چەوری، بەڵام ئەو رێژەیە نزیكەی 9 گرام شەكری تێدایە.

لێرەدا چەند سوودێكی قۆخ باس دەكەین:

یەكەم: قۆخ رێژیەكی زۆر لە ڤیتامین و كانزای تێدایە كە ئامێری بەرگریی بەهێز دەكات و لێدانی دڵ رێكدەخات و دڵ دەپارێزێت لە نەخۆشیی كرژ بوون.
دووەم: قۆخ جۆرێك لە مادە و ڤیتامینی تێدایە كە دژە ئۆكسانە و دەجەنگێت دژی ئەوەی پێی دەوترێت(Free Radical)  كە دەبێتە هۆی بەساڵاچوون و زیان بە خانەكانی جەستە دەگەیەنێت.

سێیەم: یەكێك لە تایبەتمەندییەكانی قۆخ ئەوەیە دەبێتە هۆی زۆر میزكردن كە رێ دەگرێت لە گلدانەوەی ئاوی زیادە لە لەشدا، هەروەها هاوكاری هەستی تێركردن دەدات كە وادەكات لە مرۆڤ بۆ ماوەیەكی زۆر برسی نەبێت.

چوارەم: ریشاڵە خۆراكییەكان لە قۆخدا كاردەكات بۆ رێكخستنی ئاستی شەكری خوێن، كە هاوكاریی پاراستنی جەستە دەكات لە تووشبوون بە نەخۆشیی شەكرە.

پێنجەم: ریشاڵە خۆراكییەكان لە قۆخدا كاردەكات بۆ رێكخستنی ئاستی شەكری خوێن، كە هاوكاری پاراستنی جەستە دەكات لە تووشبوون بە نەخۆشی شەكرە.

خ.غ