مەودا میدیا-سەركۆ جەمال

ئەمڕۆ ئاگرێك لە بازاڕێكی كۆنەفرۆشانی هەولێر كەوتەوە، دوای زیاتر لە سێ كاتژمێر تیەمەكانی بەرگری شاستانی هەولێر توانیان ئاگرەكە كۆنترۆڵ بكەن،  بەهۆی ئاگرەكەوە زیانێكی زۆر بە كاسبكاران كەوت و چەند كەسێكیش بە سوكی برینداربوون.

بازاری كۆنە فرۆشان دەكەوێتە سەر رێگای هەولێر – مەخمور و ماوەی چەند ساڵێكە چەند دووكانێكی تێدا كراوەتەوە، كاسبكارەكان دەچن لە كۆڵانەكاندا كەلوپەلی كۆنە دەكڕن و جارێكیتر لە دوكانەكەدا دیفرۆشنەوە.
سەركەوت كاڕەش، وتەبێژی پۆلیسی بەگری شارستانی هەولێر لە كۆنگرەیەكی رۆژنامەوانیدا رایگەیاند"دوای 10 خولەك تیمەكانیان گەیشتووەتە شوێنی رووداوەكە، ئاگرەكە گەراجێكی سووتاندووە، ئەویش تایبەت بووە بە كەلوپەلی كۆنەی ئەڵمانی و ئەمەریكی، هەروەها هەڵگرتنی دار".

لەبارەی هۆكاری ئاگرەكە  سەركەوت كارەش وتی  " بەهۆی ئەوەی كە هەندێك لە كەرەستەكان خێرا گڕ دەگرن ئاگرەكە فراوانتربووە و جارێ هۆكارەكەی بەتەواوەتی روون نییە".