مەودا میدیا- سەركۆ جەمال

 حكومەتی عیراق بڕیاریدا هەناردەكردنی باری زێڕ لە هەرێمی كوردستانەوە بۆ دەرەوەی وڵات قەدەغە بكات، بڵاوبونەوەی ئەم بڕیارەش نرخی زێڕی بەشێوەیەكی بەرچاو لە بازاڕەكانی هەرێمی كوردستان دابەزاند.

بەپێی بڕیارێكی سەرۆكایەتی ئەنجومەنی وەزیرانی عیراق، كە رۆژی (25)ی ئاب دەركراوە تێیدا هاتوە، هەناردەكردنی باری زێڕ لە هەرێمی كوردستانەوە بۆ دەرەوەی وڵات قەدەغە كراوە، ئەم بڕیارەش بوە هۆی دابەزینی كتوپڕی نرخی زێڕ لە بازاڕەكانی هەرێم، بەشێوەیەك لەماوەی تەنها یەك كاتژمێردا نرخەكان بەشێوەیەكی بەرچاو دابەزین.

پێش بڕیارەكەی حكومەتی عیراق بەیانی ئەمڕۆ نرخی زێڕ لەبازاڕەكانی هەرێم بەمشێوەیە بوو:-
یەك مسقاڵ زێڕی عەیارە 18 بە 294 هەزار دینار.
یەك مسقاڵ زێڕی عەیارە 21 بە 336 هەزار دینار.
یەك مسقاڵ زێڕی عەیارە 24 بە 390 هەزار دینار.

بەڵام دوای بڕیارەكەی حكومەتی عیراق نرخی زێڕ بەمشێوەیەی لێهات:-
نرخی یەك مسقاڵ زێڕی عەیارە 18 بە 279 هەزار دینار.
نرخی یەك مسقاڵ زێڕی عەیارە 21 بە 326 هەزار دینار.
نرخی یەك مسقاڵ زێڕی عەیارە 24 بە 384 ھەزار دینار.