مەودا میدیا- سازگار ئەحمەد

بە بڕیاری د.رێواز فایەق، سەرۆکی پەرلەمانی کوردستان کۆبوونەوەی ئەمڕۆی پەرلەمانی کوردستان دواخرا بۆ سبەی پێنجشەممە، ئەندامێکی پەرلەمانی کوردستانیش رایدەگەیەنێت کۆبوونەوەی ئەمڕۆ دواخرا لەبەر ئەوەی بڕگەیەکی کۆبوونەوەکە ماوە تەواو بکرێت.

رووپاک ئەحمەد، ئەندامی پەرلەمانی کوردستان لە فراکسیۆنی کۆمەڵی ئیسلامی بە مەودا میدیای راگەیاند "کۆبوونەوەی ئەمڕۆی پەرلەمانی کوردستان دواخرا بۆ سبەی پێنجشەممە".

لەبارەی هۆکاری دواخستنی کۆبوونەوەکە وتی "بڕگەیەکی کارنامەی کۆبوونەوەی ئەمڕۆ تەواو نەکراوە بڕیارە سبەی تاوتوێ بکرێت و خوێندنەوەی دووەمی بۆ بکرێت ئەویش، پێشنیازە یاسای ماف و ئەرکی نەخۆشە".

س.س