مەودا میدیا- سەركۆ جەمال

مارگرێتیس چیناس، جێگری سەرۆكی كۆمسیاری باڵای یەكێتی ئەوروپا هەڕەشە لە توركیا دەكات و رایدەگەیەنێت "هیچ كەسێك ناتوانێت هەڕەشەیان لێبكات و بێزاریان بكات".

مارگرێتیس چیناس، بە میدیاكانی یۆنانی وتووە "لەسەر كردارەكانی توركیا لەرۆژهەڵاتی دەریای ناوەڕاست بە توندی سزای توركیا دەدەین، سەركردەكانی ئەوروپا دوا هەلیان داوە بە توركیا تا كردارەكانی بوەستێنێت، ئەویش پێش ئەو كۆبوونەوەیەی بڕیارە ئەنجومەنی یەكێتی ئەوروپا لە 24 و 25 ی ئەم مانگە ئەنجامی بدات".

وەك جێگری سەرۆكی كۆمسیاری باڵای یەكێتی ئەوروپا ئاماژەی پێداوە "لەكۆبوونەوەی 24 ی ئەم مانگەدا سەركردەكانی یەكێتی ئەوروپا تاوتوێ ئەو سزایانە دەكەن كە بەهۆی رەفتارەكانیەوە بەسەر ئەنقەرەدا دەیسەپێنن".