مەودا میدیا-

لیژنەی سه‌رپه‌رشتیاریپرۆژه‌ی تۆڕی زیرەکی كاره‌با لە سلێمانی ئاگاداری هاوڵاتییانی گەڕەکی تووی مەلیک و شەهیدانی ئازادی دەکاتەوە کە سبەینێ شەممە پێوەری زیرەکی کارەبایان بۆ دەبەسترێت لە  له‌ كاتژمێر 7:00ی به‌یانی تا  12:00ی نیوه‌ڕۆ كاره‌بایان نابێت.

لە راگەیەندراوەکەدا هاتووە "ئاگاداری دانیشتووانی گەڕەکی (شەهیدانی ئازادی)  ئەو ماڵانەی کە دەکەونە سەر فیدەری (36) و ئەو ماڵانەی گەڕەکی تووی مەلیک کە دەکەونە سەر فیدەری (313) پێشت پێوەری زیرەکاین بۆ نەبەستراو، سبه‌ینێ شە‌ممه‌ (17/10/2020) پێوه‌ری زیره‌كی كاره‌بایان بۆ ده‌به‌سترێت، بۆیە له‌ كاتژمێر (7 ی به‌یانی تا  12 ی نیوه‌ڕۆ) كاره‌بایان نابێت‌، ئه‌وه‌ش له‌ پێناو سه‌لامه‌تی گیانی تیمه‌كانی كاره‌با و هاوڵاتییان خۆیان".

ئەوەش خراوەتەڕوو "ئاگادارییان دەکەینەوە کە لە پێناو پاراستنی ئامێرە کارەباییەکان نیوەڕۆ پێش لێدانەوەی کارەبا بۆ یەکەمجار هەموو ئامێرە کارەباییەکانیان بکوژێننەوە، دواتر لە دوای یەک هەڵیان بکەنەوە".

س.س