کوردستانی

شوانی: رێگە نادەین هیچ کەسێک ناوی ئێمە بۆ مەرامی حزبی بەکاربهێنێت

مەودا میدیا - سلێمانی |


شوانی: رێگە نادەین هیچ کەسێک ناوی ئێمە بۆ مەرامی حزبی بەکاربهێنێت
 مەودا میدیا - کاروان نوری

وەزیری هەرێم بۆ کاروباری بەغدا ئاشکرایکردووە، داواکارم هیچ کەس و لایەنێک ناوی ئێمە بەکار نەهێنێت لەململانێ حیزبێکان کە مەبەستیان دەسکەوتی حیزبیە.

خالید شوانی، وەزیری هەرێم بۆ کاروباری بەغدا بڵاویکردووەتەوە "لە هەندێ سایتی ئەلکترۆنی و پەیج و ئەکاونتی تۆڕە کۆمەڵایەتێکان هەواڵێک بڵاوبووەتەوە بەناوی بەڕێزێک بەناو بەهمەن کاکە عەبدوڵڵا و لە لێدوانەکەیدا ناوی بەندەی هێناوە".

روونیکردووەتەوە "گوایە من وتبێتم سەید عەمار حەکیم پێی راگەیاندووین کە پەرلەمانتارێکی کوردی ریشن وەک ئاماژەیەک بۆ بەڕێز ئەحمەدی حاجی رەشید داوای بڕینی بودجەی هەرێمی کوردستانی کردبیێ،  بەم روونکردنەوەیە ئەمەوێ بۆ رایگشتی روونبکەمەوە کە بەندە هەرگیز  لەگەڵ ئەو پەرلەمانتارە (بەهمەن کاکە عەبدوڵڵا) دانەنیشتووم و قسەی دوو بە دووم لەگەڵی نەکردووە و باسی ئەم رووداوەم نەکردووە".

"داواکارم هیچ کەس و لایەنێک ناوی ئێمە بەکار نەهێنێت لەململانێ حیزبێکان کە مەبەستیان دەسکەوتی حیزبیە، کە من خۆم  بەرژەوندی میلەتەکەم و نیشتمانەکەم  ئەخەمە سەرووی بەرژەوەندی حیزبیەوە"، ناوبراو ئەمەی نووسیووە.