مەودا میدیا-

وەزیری نەوتی عیراق رایدەگەیەنێت ڤایرۆسی کۆرۆنا ئامانج و ستراتیجییەتی نەوت و گازی لە جیهاندا گۆڕی، ئاماژە بەوەشدەکات عیراق ئامانجییەتی گۆڕانکاری لە بەرهەمهێنانی نەوتدا بکات و ئاستی بەرهەمهێنانی نەوت بگەیەنێتە حەوت ملیار بەرمیل نەوت تاوەکو ساڵی 2025.

ئیحسان عەبدولجەبار ئیسماعیل، وەزیری نەوتی عیراق بە ئاژانسی "بغداد الیومی"ی راگەیاندووە "بڵاوبوونەوەی ڤایرۆسی کۆرۆنا ئامانج و ستراتیجییەتی نەوت و گازی لە جیهاندا گۆڕی، هەروەها عیراق دەیەوێت گۆڕانکاری لە بەرهەمهێنانی نەوتدا بکات".

ئاماژەی بەوەشکردووە "ئێستا عیراق رۆژانە پێنج ملیۆن بەرمیل نەوت بەرهەمدەهێنێت، ئامانجمانە بگەیەنینە حەوت ملیۆن بەرمیل نەوت لە رۆژێکدا تاوەکو ساڵی 2023 یان هەشت ملیار بەرمیل نەوتی رۆژانە تاوەکو ساڵی 2027".

س.س