مه‌ودامیدیا– سه‌باح خدر 

له‌ چوارچێوه‌ی یارییه‌کانی هه‌فته‌ی 15 ی خولی ئیسپانیدا یانه‌ی ئه‌تله‌تیکومه‌درید میوانداری یانه‌ی به‌رشه‌لۆنه‌ی کرد .

به‌رشه‌لۆنه‌ له‌و یارییه‌دا توانی به‌ لێهاتووی ( لیونیل میسی ) سه‌رکه‌وتن به‌ده‌ست بهێنێت و سێ خاڵی گرنگ بخاته‌ سه‌ر کۆی خاڵه‌کانی.

تایمی یه‌که‌می یارییه‌که‌ له‌ که‌شێکی باراناویدا به‌ڕێوه‌چوو ، به‌ڵام هیچ لایه‌کیان نه‌یان توانی تۆڕی گۆڵی یه‌کتر بهه‌ژێنن.

له‌ تایمی دووه‌مدا ( میسی ) بوو به‌ فریاد ره‌سی یانه‌ی به‌رشه‌لۆنه‌ و توانی تاکه‌ گۆڵی یارییه‌که‌ و سه‌رکه‌وتن له‌ خوله‌کی 85 دا به‌ده‌ست بهێنێت .

به‌رشه‌لۆنه‌ به‌م سه‌رکه‌وتنه‌ کۆی خاڵه‌کانی گه‌یانده‌ 31 خاڵ و گه‌ڕایه‌وه‌ بۆ پێشه‌نگی خوله‌که‌ ،به‌ڵام یانه‌ی ئه‌تله‌تیکومه‌درید خاوه‌نی 25 خاڵه‌ و له‌ پله‌ی شه‌شه‌م دێت .