مەودا میدیا-

دەستەی سەربەخۆی مافی مرۆڤ رایگەیاندووە  "دەستگیركردنی رۆژنامەنوس و خەڵكی سیاسی و سڤیل و هی دیكەش، بەبێ فەرمانی دادوەر خەریكە دەبێتە دیاریدەو داوادەكەین لە هەرێمی كوردستان یاسا سەروەربیت".

دەستەی سەربەخۆی مافی مرۆڤ لە راگەیەنراوێكدا دەڵێت "دەستگیركردنی رۆژنامەنوس و خەڵكی سیاسی و سڤیل و هی دیكەش، بەبێ فەرمانی دادوەر خەریكە دەبێتە دیاریدە، كە ئەمە پێچەوانەی یاسایە، ئێمە ئەم هەڵسوكەوتە بە مەترسی دەزانین بەتوندی ئیدانە دەكەین".

راشیگەیاندووە "دوای دیار نەمانی هەریەكە لە وێنەگر زرنگ رەحیم و دەرهێنەر زانا نەوزاد، لەسەنتەری میترۆ  لە شاری سلێمانی، دەركەوت كە هێزەكانی ئاسایشی سلێمانی دەستگیری كردوون، ئەم جورە رەفتارانە مەترسیدارن و تەواو پێچەوانەی بنەماكانی ئازادی تاك و مافەكانی مرۆڤە، بۆیە ئێمە داوای روونكردنەوە لە ئاسایشی سلێمانی دەكەین لەسەر دەستگیركردنی ئەم دوو بەڕێزە".

دەستەی سەربەخۆی مافی مرۆڤ داواشیكردووە "لە هەرێمی كوردستان یاسا سەروەربێت هەموولایەك پابەندبن بەیاساوە و بەپێی یاسا بەركارەكان مامەڵە لەگەڵ كەیسەكاندا بكرێت".

ك. م