مەودا میدیا- سازگا ئەحمەد

دوانیوەڕۆی ئەمڕۆ لە رووداوێکی هاتوچۆدا لەسەر رێگەی ناوشوان لە سنووری قەزای چەمچەماڵ کەسێک گیانی لەدەستدا کە شۆفێری ماتۆڕسکیل بووە.

شەریف رەحیم، جێگری بەڕێوەبەری تەندروستیی چەمچەماڵ بە مەودا میدیای راگەیاند "دوانیوەڕۆی ئەمڕۆ شەممە 22ی تشرینی یەکەمی 20222  بەهۆی ڕوداوێکی هاتووچۆوە لەسەر رێگەی ناوشوان گەنجێکی تەمەن  20 ساڵ کە شۆفێری ماتۆڕسکێلە گیانی لەدەستدا".

وتیشی "ماتۆڕسكیلەكە لەدەستی وەریگرتووە و بەوهۆیەوە شۆفێری ماتۆڕسكیلەكە گیانی لەدەستداوە".

ئاماژەی بەوەشکرد "تەرمەکەی لەلایەن تیمی فریاکەوتنی خێرای 122ی سەر بە بەڕێوەبەرایەتیمان بە مەبەستی توێکاری گەیەنرایە هۆبەی پزیشکی دادوەری چەمچەماڵ".

س.ر