مەودا میدیا-كاروان مەحمود 

باس لەوەدەكرێت ئێوارەی ئەمڕۆ دووشەممە 24ی تشرینی یەكەمی 2022 لە پیشانگایەكی ئۆتۆمبێل لە تاسڵوجە كە بە مەعرەزی علوجەكان ناسراوە تەقەكراوە و چەند هاوڵاتییەك برینداربوون، بەڵام سەرچاوەیەك لە jccی سلێمانی رەتیدەكاتەوە هیچ رووداوێكی تەقەكردن روویدابێت.

سەرچاوەیەك لە jccی سلێمانی بۆ مەودا میدیا وتی "هیچ رووداوێكی تەقەكردن رووینەداوە و ئاگادار نەكراوینەتەوە لە هیچ رووداوێكی لەوجۆرەش".

باسی لەوەشكرد "لەگەڵ پۆلیسی تاسڵوجە و پۆلیسی فریاكەوتنیش قسەمان كردووە و ئەوانیش رەتیانكردووەتەوە هیچ رووداوێكی تەقەكردن روویدابێت".

ك. م