مەودا میدیا-

بەرێوەبەرایەتی گشتی كەشناسی و بوومەلەرزەزانی هەرێمی کوردستان رایدەگەیەنێت لە سەرەتای هەفتەی داهاتووەوە شەپۆلێکی بەفر و بارانبارین ناوچەکانی هەرێمی کوردستان دەگرێتەوە.


بەپێی پێشبینیەكانی بەرێوەبەرایەتیی گشتیی كەشناسی و بوومەلەرزەزانی لە وەزارەتی گواستنەوە و گەیاندن بێت چاوەڕوان دەكرێت رۆژى شەممە رێکەوتى 28-1-2023 شەپۆلێکى بارانبارین روو لە ناوچەکەمان بکات تاوەکو رۆژى چوارشەممە بەردەوامى دەبێت، سەرەتا کاریگەرى ئەم شەپۆلە لەسەرناوچە شاخاوییەکان دەبێت  بە نمە باران و بەفر بارین".

هەر بەپێی پێشبینییەکانی کەشناسی هەرێم ئەمڕۆ هەینی 27ی کانوونی دووهەم 2023  ئاسمان پەڵە هەور و نیمچە هەور دەبێت، لەگەڵ ئەگەری بارینی نمە باران لە ناوچە شاخاوییەکانی پارێزگای سلێمانی و هەڵەبجە .

سبەی شەممە ، ئاسمان نیمچە هەور بۆ هەوری تەواو دەگۆڕێت لەگەل دابارینی نمە بارانی  کەم کەم و هەروەها بەفر لەناوچە شاخاوییەکان سەرەتا لەناوچەکانی رۆژئاوای هەرێم دەست پێ دەکات پاشان زۆربەی ناوچەی جیاجیاکانی هەرێمی کوردستان دەگرێتەوە و لەکاتەکانی درەنگانی شەو کاریگەری دابارین زیاتر دەبێ.

بەرزترین پلەکانی گەرمای پێشبینیکراو بە پلەی سیلیزی :
هەولێر     :  12 پلەى سیلیزى

سلێمانی    : 10  پلەى سیلیزى

دهۆک     :  10 پلەى سیلیزى

کەرکوک  : 14 پلەى سیلیزى

هەڵەبجە   :  9 پلەى سیلیزى

زاخۆ      :  11 پلەى سیلیزى

سۆران    :  8 پلەى سیلیزى

گەرمیان  :  15 پلەى سیلیزى