مەودا میدیا- سازگار ئەحمەد

ئامادەکارییەکان بۆ دابەشکردنی مووچەی مانگی کانونی دووەمی 2023 دەستیپێکردووە و بڕیار وایە سەرەتای هەفتەی داهاتوو دەست بە دابەشکردنی مووچە بکرێت.

بەڕێوەبەری یەکێک لە بانکەکانی دابەشکردنی مووچە بە مەودا میدیای راگەیاند "ئامادەکارییەکان بۆ دابەشکردنی مووچەی مانگی یەکی 2023 کراوە و لە کۆتایی هەفتە لیستی دابەشکردنی مووچە بڵاودەکرێتەوە".

ئاماژەی بەوەشکرد "لە سەرەتای هەفتەی داهاتوو دابەشکردنی مووچەی مانگی یەک دەستپێدەکات و یەکەم شوێن وەزارەتی تەندروستیی هەرێم مووچە وەردەگرێت".

حکومەتی هەرێمی کوردستان پێشتر ئاماژەی بەوەکردووە هەموو 25ی مانگێک دەست بە دابەشکردنی مووچە دەکرێت، بەڵام بەردەوام لە سەرەتای مانگدا مووچە دابەشدەکرێت.

س.ر