مەودا میدیا - رۆژ عەدنان

 

بەرێوەبەری گشتیی باخداریی و دارستان و پاوان و ئەندامی ئەنجومەنی لێژنەی باڵای ژینگە بە نوێنەرایەتیی وەزارەتی کشتوکاڵ و سەرچاوەکانی ئاو بەشداربوو لە ۆرکشۆپێکی تایبەت بە گۆرینی وزە لە عیراق بەرەو بەکارهێنانی وزە نوێکان.

 

ئەمڕۆ چوارشەممە 10ی ئایاری 2023 هەڵکەوت عەبدولرەحمان، بەڕێوەبەری گشتیی باخداریی و دارستان و پاوان لە وەزارەتی کشتوکاڵ و سەرچاوەکانی ئاو بە مەودا میدیای راگەیاند "سەرەکیترین رێگاچارە بۆ كەمكردنەوەی هۆكارە تێكدەرەكانی ژینگە و گۆڕانكارییەكانی كەش و هەوا وزە  نوێبووەكانن".

 

باسی لەوەشکردووە "ۆرکشۆپەکە بەئامادەبوونی نوێنەری وەزارەتە پەیوەندیدارەکان لەلایەن رێکخراوی UNDP و USAIDی ئەمریکی پاڵپشتی دارایی و تەکنیکی دەکرێت".

 

ئەوەشی خستووەتەڕوو "لە دیدارەکەدا چەندین بابەت و راسپاردەی گرنگ سەبارەت بە چۆنیەتیی بەرهەمهێنانی وزەی پاک بەبێ پیسبوونی ژینگە باسکرا".

 

وتیشی "سەرەکیترین رێککار و رێگە چارەکان بۆ کەمکردنەوەی هۆکار و کاریگەرییە تێکدەرەکانی ژینگە و گۆرانکاییەکانی کەش و هەوا لەلایەن ئامادەبووانەوە خرایەروو".