سبەی یەکێتی و پارتی کۆدەبنەوە

کوردستانی

سبەی یەکێتی و پارتی کۆدەبنەوە

مەودا میدیا - سلێمانی | 2023/05/15

مەودا میدیا - رۆژ عەدنان

بڕیارە سبەی هەردوو مەکتەبی سیاسیی یەکێتیی نیشتمانیی کوردستان و پارتیی دیموکراتیی کوردستان لە سلێمانی کۆببنەوە و لەبارەی هەڵبژاردنەکان و چەندین پرسی دیکەوە گفتوگۆ بکەن.

ئەمڕۆ دووشەممە 15ی ئایاری 2023 زیاد جەبار، سەرۆکی فراکسیۆنی یەکێتی بە مەودا میدیای راگەیاند "سبەی شاندێکی مەکتەبی سیاسیی پارتیی دیموکراتیی کوردستان دێتە سلێمانی و سەردانی مەکتەبی سیاسیی یەکێتیی نیشتمانیی کوردستان دەکات".

باسی لەوەشکرد "ئامانج لەم سەردانەی مەکتەبی سیاسیی پارتی تایبەتە بە پرسی هەڵبژاردن و چارەسەرکردنی ئەو کێشانەی لەنێوان هەردوولادایە".

ئەوەشی خستەڕوو "ماوەیەکی درێژە پەیوەندییەکانی نێوان پارتی و یەکێتی سارد و سڕە و ئامانج لەم دانیشتنانە لێکتێگەیشتن و باشترکردنەوەی پەیوەندییەکانمانە".

ئەمە لەکاتێکدایە، چەندین جار هەریەک لە دەزگای هەڵبژاردنی یەکێتی و پارتی لەسەر پرسی تایبەت بە هەڵبژاردن کۆبوونەتەوە، بەڵام تاوەکو ئێستا نەگەیشتوونەتە رێککەوتنی کۆتایی.