مەودا میدیا -

 

هێرۆ ئیبراهیم ئەحمەد، ئەندامی ئەنجومەنی باڵای سیاسیی و بەرژەوەندیی یەکێتیی نیشتمانیی کوردستان بەبۆنەی ساڵیادی دامەزراندنی یەکێتیی مامۆستایانی کوردستانەوە پەیامێکی پیرۆزبایی بڵاوکردەوە.

 

هێرۆ ئیبراهیم ئەحمەد، ئەندامی ئەنجومەنی باڵای سیاسیی و بەرژەوەندیی یەکێتیی نیشتمانیی کوردستان رایگەیاند "پشتیوان بەخوا بەردەوام دەبین لە بەرگریکردن لە داوا رەواکانی مامۆستایان و هەمیشە خۆمان بەپشتیوان و پشتگیری یەکێتیی مامۆستایان و تەواوی مامۆستایان زانیوە".

 دەقی پەیامەکە:

بەڕێزان سەرۆك و ئەندامانی سكرتاریەتی یەكێتیی مامۆستایانی كوردستان

لەساڵیادی دامەزراندنی یەکێتییەکەتان، گەرمترین پیرۆزبایتان ئاڕاستە دەکەم و هیوای پێشکەوتن و گەشەکردنی بەردەوامتان بۆ دەخوازم.

مێژووی یەکێتیی مامۆستایانی کوردستان بەچەندین سەروەری و شانازی نووسراوەتەوە، و هەمیشە بەرگریکارێکی سەر ڕاست و پشتگیرێکی حەقبێژی مامۆستایان بووە، لەخەباتی میللەتەکەشماندا رۆڵێکی دیاری گێڕاوە، ئێمەش هەمیشە خۆمان بەپشتیوان و پشتگیری یەکێتیی مامۆستایان و تەواوی مامۆستایان زانیوە و پشتیوان بەخوا بەردەوام دەبین لە بەرگریکردن لەداوا رەواکانتان.

دووبارە پیرۆزبایی ساڵیادی دامەزراندنی یەکێتیی مامۆستایانی کوردستان لە تەواوی مامۆستایانی کوردستان دەکەم و هیوای سەرکەوتنی زیاتر بۆ رێکخراوەکەتان دەخوازم.

ر.ع