مەودا میدیا-

شارەزایەکی کەشوهەوا  پێشیبینی دەکات لە کۆتایی ئەم هەفتەیە شەپۆلێکی بارانبارین ناوچەکانی عیراق و هەرێمی کوردستان بگرێتەوە، هۆشداریش دەدات بە جوتیاران.

پشتیوان ئیبراهیم، شارەزا لە کەشوهەوا و بوومەلەرزە بە مەودا میدیای راگەیاند "لە کۆتایی ئەم هەفتە رۆژی هەینی و سەرەتای هەفتەی داهاتوو لە رۆژانی 19، 20 ،21 /5 / 2023  بەهۆی هاتنی هەندێک شێ لە دەریایی سوور بۆ سەر ولاتانی عەرەبی و پاشان بۆ باشووری عیراق و هەرێمی کوردستان شەپۆلێکی بارانبارین ناوچە جیاجیاکانی هەرێمی کوردستان دەگرێتەوە کە خۆی دەبینێتەوە لە هەورەگرمە و هەورەتریشقەی بەهێز لەگەڵ بارانی بەلێزمە و هەندێکات ناوبەناو خێرایی با زیاد دەکات".

ئاماژەی بەوەشکرد "لەم شەپۆلەدا هەورە تریشقەی بەهێز بوونی دەبێت و بەهۆی زۆری گژوگیا ئەگەری ئەوە هەیە ببێتە هۆی کەتنەوەی ئاگر لە ناوچە دەشت و شاخەکاوییەکان، داواکارین لە هاوڵاتییان ئەوانەی دروێنەی گەنم جۆیان کردووە بە باشی دابپۆشڕێت و تووندتۆڵی بکەن و ئاگاداری خۆیان بن".

س.ر