مەودا میدیا- 

بەڕێوەبەرایەتیی هاتوچۆی هەولێر ئاگاداری سەرجەم شۆفێران دەکاتەوە کە پشتێنی سەلامەتی ببەستن و مۆبایل بەکارنەهێنن بۆ ئەوەی سزانەدرێن.

فازڵ حاجی، وتەبێژی هاتوچۆی هەولێر بە مەودا میدیای رایگەیاند "سەرجەم شوفێران ئاگاداردەکەینەوە کەوا مەفرەزەکانی هاتوچۆ لەناوشار و دەرەوەی شار، هەڵمەتێکی هۆشیارکردنەوەو پابەندکردنی ناچاری بۆ بەستنی پشتێنەی دڵنیایی و بەکارنەهێنانی مۆبایل لەکاتی لێخوڕین دەستپێکردووە".

ئاماژەی بەوەشکرد "هەر شوفێرێک هەریەکێک لەم سەرپێچیانە ئەنجام بدات، راستەوخۆ سزای بۆ تۆماردەکرێت، بۆیە بۆسەلامەتی خۆتان و دەوروبەرتان تکایە پابەندی یاساکان بن".

س.ر