کوردستانی
بڕی بارانبارینی 12 کاتژمێری رابردوو بڵاوکرایەوە
مەودا میدیا - سلێمانی |
مەودا میدیا -
وەزارەتی گواستنەوە و گەیاندنی حکومەتی هەرێمی کوردستان رایگەیەنێت لە ماوەی 12 کاتژمێری رابردوودا زۆرترین رێژەی باران لە دووزخورماتوو باریوە و کەمترینیش لە لە چەمچەماڵ و کەرکوک بووە.
ئەمڕۆ پێنجشەممە 18ی ئایاری 2023 وەزارەتی گواستنەوە و گەیاندنی حکومەتی هەرێم رایگەیاند "بەهۆی هاتنی شەپۆلێکی بارانبارین بۆ هەرێمی کوردستان، زۆرترین رێژەی بارانبارین لە 12 کاتژمێری رابردوودا لە دووزخورماتوو بووە کە 2.4 ملیمەترە".
باسی لەوەشکردووە "هەریەکە لە ناوچەکانی سلێمانی و پیرمام بڕی 0.5 ملیمەتر باران باریوە و لە چەمچەماڵ و کەرکوک تەنها چەند دڵۆپێک باریوە، لە حاجی ئۆمەران 0.4 ملیمەتر و لە دووزخورماتوو زۆرترین رێژەی باران کە 2.4 ملیمەتر، باریوە".
ئەوەشی خستووەتەڕوو "مەودای بینینی ئاسۆیی لەم ناوچانە بەم شێوەیەبووە (هەولێر 10 کیلۆمەتر، پیرمام 10 کیلۆمەتر، سلێمانى 8 کیلۆمەتر، چەمچەماڵ 6 کیلۆمەتر، دهۆک 9 کیلۆمەتر، زاخۆ 10 کیلۆمەتر، کەرکوک 9 کیلۆمەتر، دووزخورماتوو 6 کیلۆمەتر)".
ر.ع
ر.ع
بیروڕا
