مەودا میدیا -

 

بەڕێوەبەرایەتیی کەشناسیی و بومەلەرزەزانیی هەرێم رایدەگەیەنێت ئەمڕۆ و سبەی تاوە باران و هەورە بروسکە زۆربەی ناوچە شاخاوییە سنوورییەکان دەگرێتەوە.

 

ئەمڕۆ هەینی 19ی ئایاری 2023 بەڕێوەبەرایەتیی گشتیی کەشناسیی و بومەلەرزەزانیی هەرێمی کوردستان رایگەیاند "ئەمڕۆ ئاسمان نیمچە هەور دەبێت و لە ناوچە شاخاوییەکان هەوری تەواو دەبێت، هەورە بروسکە و تاوەبارانیش لە زۆربەی ناوچە سنورییە شاخاوییەکان دەبارێت".

 

باسی لەوەشکردووە "لە کاتەکانی ئێوارەدا کاریگەریی ئەوتاوە باران و بروسکەیە زیاد دەبێت لە زۆربەی ناوچەکانی هەرێم و هەروەها تۆز و خۆڵیێکی سووکیش لە زۆربەی ناوچەکان دەردەکەوێت".

 

لەبارەی کەشوهەوای سبەینێشەوە وتویەتی "شەممە، ئاسمان هەوری تەواو دەبێت لە زۆربەی کاتەکاندا و دابارین بەشێوەی تاوە باران و هەورەبروسکە لە زۆربەی ناوچەکانی هەرێم دەبێت و لە ناوچە شاخاوییەکان کاریگەرییەکی زیاتری دەبێت و پلەکانی گەرماش بۆ 6 - 5 پلە دادەبەزن".

 

بەرزترین پلەکانی گەرمای پێشبینیکراو بە پلەی سیلیزى بەم شێوەیە دەبن: 

 

هەولێر : 30 پلەى سیلیزى

سلێمانی : 26 پلەى سیلیزى

دهۆک :27پلەى سیلیزى

کەرکوک : 33 پلەى سیلیزى

هەڵەبجە : 27پلەى سیلیزى

حاجی ئۆمەران : 16 پلەى سیلیزى

زاخۆ : 29 پلەى سیلیزى

سۆران : 26 پلەى سیلیزى

گەرمیان : 35 پلەى سیلیزى

ر.ع