مەودا میدیا - رۆژ عەدنان

 

بەڕێوەبەری حەج و عومرەی هەرێم رایدەگەیەنێت ئەمساڵ نزیکەی پێنج هەزار کەس دەتوانن فەریزەی حەج ئەنجام بدەن و ئامادەکارییەکانی پرۆسەکەمان تەواو کردووە.

 ئەمڕۆ 19ی ئایاری 2023 کامەران عەلی، بەڕێوەبەری حەج وعومرەی سلێمانی بە مەودا میدیای راگەیاند "تەنها لە سنووری سلێمانی و دەوروبەرییەوە بە نزیکەیی هەزار و 900 کەس دەتوانێت فەریزەی حەج و عومرە ئەنجام بدات".
 
 ئەوەشی خستەڕوو "بە تایبەتیی لە سلێمانی هەندێک حاجی ماوە پارە بدات بۆیە ئومێد دەکەین لە رۆژانی 28 و 29ی ئەم مانگەوە یەکەم گەشتی حاجییان دەستپێبکات".
 

ئەمە لە کاتێکدایە کە نیاز نەقشبەندی، بەڕێوەبەری حەج و عومرەی هەرێمی کوردستان رایگەیاند "بۆ ئەنجامدانی پرۆسەی حەج، هەموو ئامادەکارییەکانمان تەواو کردووە و ئەوەی کە ماوە دەکەوێتە سەر دەستەی حەج و عومرەی عیراق و لایەنی سعودی".

 

باسی لەوەشکردووە "لە هەرێمی کوردستانەوە چوار هەزار و 800 کەس گەشتی حەج ئەنجام دەدەن لە کۆی 33 هەزار و 690 حاجی عیراقی".