مەودا میدیا - 

 

وەزیری دارایی و ئابووریی هەرێمی کوردستان رایدەگەیەنێت ئەو گرفتە داراییانەی هاتوونەتە بەردەم دابەشکردنی مووچە، هەموویان کێشە و گرفتی سیاسیی و گەندەڵییە و تاوەکو چارەسەر نەکرێن کێشەی مووچە بەردەوامیی دەبێت.

 

ئەمڕۆ هەینی 19ی ئایاری 2023 ئاوات شێخ جەناب، وەزیری دارایی و ئابووریی هەرێم رایگەیاند "زیاتر بزوێنەری کێشەکانی بەردەم مووچە کێشە سیاسیی و گەندەڵییەکانن و ئەو کێشە سیاسیی و گەندەڵییە بەردەوامانە گرفتی داراییان دروستکردووە".

 

وتوشیەتی "تاوەکو ئەو کێشە و گرفتە سیاسییانە بەردەوامبن کێشە بۆ دابەشکردنی مووچە دروست دەبێت و تادێت دواکەوتنی مووچەی فەرمانبەران بەردەوامیی دەبێت".

 

ئەمە لەکاتێکدایە، بۆ دابینکردنی مووچەی مانگی رابردوو، بەغدا تاوەکو ئێستا بڕی 600 ملیار دیناری بۆ هەرێم ناردووە و بەپێی لیستی مووچەی وەزارەتی دارایی دابەشکردنی مووچەی مانگی نیسان کۆتایی ئەم مانگە تەواو دەبێت و هەموو وەزارەت و شوێنەکان مووچەکانیان وەردەگرن.

ر.ع