رەوشی کەشوهەوای ئەمڕۆ و سبەی ئاشکراکرا

کوردستانی

رەوشی کەشوهەوای ئەمڕۆ و سبەی ئاشکراکرا

مەودا میدیا - سلێمانی | 2023/05/20

مەودا میدیا -

وەزارەتی گواستنەوە و گەیاندنی حکومەتی هەرێمی کوردستان رایدەگەیەنێت ئەمڕۆ لە زۆربەی ناوچەکانی هەرێم باران دەبارێت و لە هەندێک کاتیشدا لێزمە باران دەبێت.

ئەمڕۆ شەممە 20ی ئایاری 2023 وەزارەتی گواستنەوە و گەیاندنی حکومەتی هەرێم رایگەیاند "ئەمڕۆ بە شێوەیەکی گشتیی ئاسمانی هەرێمی کوردستان هەوری باراناوی دەبێت و هەورە تریشقەشی لەگەڵدا دەبێت".

باسی لەوەشکردووە "لە هەندێک کاتدا بارانبارین بە لێزمە دەبێت و پلەکانی گەرما 5 تاوەکو 7 پلەی سیلیزی بە بەراورد لە تۆمارکراوی رۆژی پێشوو نزم دەبنەوە".

لەبارەی کەشوهەوای سبەینێشەوە وتویەتی "سبەی یەکشەممە، ئاسمان هەوری تەواو دەبێت لە زۆربەی کاتەکاندا و دابارین بەشێوەی تاوە باران، لە دوای نیوەرۆوە کاریگەری بارانبارین کەمتر دەبێت لە هەندێک ناوچە بە شێوەی نمە باران دەبارێت".

بەرزترین پلەکانی گەرمای پێشبینیکراو بە پلەی سیلیزى بەم شێوەیە دەبن:

هەولێر: 30 پلە

سلێمانی: 27 پلە

دهۆک: 27 پلە

کەرکوک: 33 پلە

هەڵەبجە: 31 پلە

زاخۆ : 28 پلە

سۆران: 26 پلە

گەرمیان: 36 پلە