مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی سێ تۆمەتباری راگەیاند بە تۆمەتی دزیکردن کە پێشینەی تاوانی دیکەشیان هەبووە.

لە راگەیەندراوەکەی پۆلیسی سلێمانی هاتووە "دوای ئه‌وه‌ی‌ هاوڵاتییه‌ك سكاڵای‌ یاسایی تۆماركرد كه‌ دزی‌ لەماڵەکەی لێكرابوو، هێزه‌كانی‌ پۆلیس لێكۆڵینەوەو بەدواداچوونەكانیان بۆ دۆزینه‌وه‌و ده‌ستگیركردنی‌ تۆمه‌تباران دەستپێكرد، دوای‌ وه‌رگرتنی‌ بڕیاری‌ دادوه‌ر توانرا لەلایەن مەفرەزەكانی بنكه‌ی‌ پۆلیسی‌ حه‌ساری‌ سه‌ر به‌ به‌شی‌ پۆلیسی‌ سه‌یدسادق سێ تۆمەتبار دەستگیربكرێن".

ئاماژە بەوەکراوە "تۆمەتباران دانیان بەتاوانه‌كه‌یاندا ناوه‌و پێشینه‌ی‌ تاوانیان هه‌یه‌، لەئێستادا تۆمەتباران (ژ، م، ص) له‌دایكبووی‌ 2000 (م، ف، ح) له‌دایكبووی‌ 1994 (هـ، أ، أ) له‌دایكبووی‌ 1994 بەبڕیاری دادوەر راگیراون‌ و لێكۆڵینه‌وه‌كان به‌رده‌وامه‌".

س.ر