مەودا میدیا - 
 
 دەستەی کەشناسیی عیراق رایدەگەیەنێت پێشبینی دەکەین دووبارە لە سبەینێوە شەپۆلێکی بارانبارین هەموو ناوچەکانی عیراق و هەرێمی کوردستان بگرێتەوە و ماوەی چەند رۆژێکیش بەردەوامبێت.

 

ئەمڕۆ دووشەممە 22ی ئایاری 2023 دەستەی کەشناسیی عیراق رایگەیاند "ئاسمانی زۆربەی ناوچەکانی باکوور و ناوەڕاستی عیراق سبەی سێشەممە هەور و پەڵەهەور دەبێت و لە هەندێک لە ناوچەکانیشدا بارانبارین بەلێزمە دەبێت".

 

باسی لەوەشکردووە "ئەم شەپۆلە ناوچەکانی باشووری عیراقیش دەگرێتەوە و ئاسمانی باشووریش پەڵەهەور دەبێت و تاوەکو رۆژی هەینیش شەپۆلەکە بەردەوامدەبێت و بارانبارین سەرتاسەری وڵای دەگرێتەوە".

 

ئەمەش لەکاتێکدایە لە رۆژانی پێشوودا کەشناسانی هەرێمی کوردستان رایانگەیاند کە رۆژانی 19 و 20 و 21ی ئەم مانگە شەپۆلێی بەهێزی بارانبارین روو لە ناوچەکانی هەرێم بەتایبەتیی و عیراق بەگشتیی دەکات و لەو سێ رۆژەدا بڕێکی زۆری باران لە زۆربەی ناوچەکانی کوردستان باری.

ر.ع