مەودا میدیا - رۆژ عەدنان

 

ئەمشەو لەناو بازاڕی چەمچەماڵ کەسێک درایە بەر دەستڕێژی گوللە و بەپێی زانیارییەکان دەستبەجێ گیانی لەدەستداوە.

 

ئەمڕۆ دووشەممە 22ی ئایاری 2023 سەرکەوت ئەحمەد، وتەبێژی پۆلیسی سلێمانی بە مەودا میدیای راگەیاند "لەناوبازاڕی چەمچەماڵ گەنجێک بەناوی ئەیوب جەبار دەدرێتە بەر دەستڕێژی گوللە و دەستبەجێ دوای رووداوەکە گیانلەدەستدەدات.

 باسی لەوەشکرد "پۆلیس سەرقاڵی لێکۆڵینەوەیە لە کەیسەکە و لە ئێستادا سەرقاڵی وەرگرتنی ڤیدیۆی کامێراکانی چاودێریین".
 
 وتەبێژی پۆلیسی سلێمانی وتیشی "ئەو کەسەی تەقەی کردووە لەناو ئۆتۆمبێلدابووە و دوای رووداوەکە هەڵهاتووە، تاوەکو ئێستاش دەستگیر نەکراوە".
 

بەپێی زانیارییەکانی مەودا میدیا، ئەیوب جەبار تەمەنی 22 ساڵە و هۆکاری رووداوەکەش کێشەیەکی کۆمەڵایەتیی کۆن بووە.