مەودا میدیا -

 

سەرۆکی کۆمیسیۆنی باڵای سەربەخۆی هەڵبژاردن و راپرسیی هەرێم رایدەگەیەنێت نووسراوی پەرلەمانی کوردستانمان پێگەیشتووە و دەست دەکەین بە ئامادەکارییەکان بۆ هەڵبژاردن.

 

ئەمڕۆ سێشەممە 23ی ئایاری 2023 هەندرێن محەمەد، سەرۆکی کۆمیسیۆنی باڵای سەربەخۆی هەڵبژاردن و راپرسیی هەرێمی کوردستان بە رووداوی راگەیاند "ئەمڕۆ نووسراوی فەرمیی لە پەرلەمانی کوردستانەوە گەیشتە دەستمان بۆ کاراکردنەوەی کارەکانی کۆمیسیۆنی باڵای سەربەخۆی هەڵبژاردن و راپرسیی هەرێمی کوردستان".

 

باسی لەوەشکردووە "لە هەفتەی داهاتووە دەستدەکەین بە ئامادەکارییەکانی هەڵبژاردن و لەمەودوا کار بەو نووسراوە فەرمییە دەکەین کە لە پەرلەمانەوە پێمان گەیشتووە".

 

سەرۆکی کۆمیسیۆن وتوشیەتی "پێویست بە واژۆی سەرۆکی هەرێمی کوردستان ناکات لەسەر ئەو بڕیارە و دەستبەجێ دەتوانین بڕیارەکە جێبەجێ بکەین".

ر.ع