کوردستانی

ناوەرۆكی كۆبوونەوەی بافڵ تاڵەبانی و فراكسیۆنی یەكێتی

مەودا میدیا - سلێمانی |


ناوەرۆكی كۆبوونەوەی بافڵ تاڵەبانی و فراكسیۆنی یەكێتی
مەودا میدیا-

سەرۆكی یەكێتیی نیشتیمانی كوردستان لەگەڵ فراكسیۆنی حزبەكەی لە پەرلەمان كۆبووە و رایگەیاند، فراكسیۆنەكە دەیانەوێت هەڵبژاردنێکی بێگەرد لە وادەی خۆیدا بەڕێوەبچێت و یاری بە چارەنووس و دەنگی خەڵکەوە نەکرێت.

‏‎ئێوارەی ئەمڕۆ سێشەممە 23ی ئایاری 2023 بافڵ جەلال تاڵەبانی، سەرۆکی یەکێتیی نیشتمانیی کوردستان و هەریەك لە رەفعەت عەبدوڵا، بڕیاردەری دەستەی کارگێڕیی و ئاسۆ مامەند، کارگێڕی مەکتەبی سیاسی و قوباد تاڵەبانی، سەرپەرشتیاری سكرتاریەتی مام جەلال لەگەڵ فراكسیۆنی یەكێتی لە دەباشان كۆبوونەوەیەكیان ئەنجامدا.

بەپێی راگەیەندراوی سەرۆكایەتیی یەكێتی "‏لە دەستپێکی کۆبوونەوەکەدا بافڵ تاڵەبانیی ستایشی رۆڵی مێژوویی و ئازایانەی فراکسیۆنی یەکێتی کرد و پشتیوانیی تەواوی یەکێتی بۆ سەرۆکی پەرلەمان دووپاتکردەوە کە لە دوایین کۆبوونەوەی پەرلەمانی کوردستان پاڵپشت بە پەیڕەوی ناوخۆی پەرلەمان، رێگرییان لە کارێکی یاساشکێن کرد و ئیرادەی خەڵکیان سەرخست و رێگرییان لە شکاندنی شکۆی پەرلەمان گرت".

ئاماژەی بەوەشكردووە، هەڵوێستی دوێنێ دووشەممەی فراكسیۆنەكەیان بۆ سەرخستنی ئەزموونی دیموکراسیی هەرێم مایەی شانازیی یەکێتی، دڵسۆزانی گەل و دۆستانی دیموکراسی بووە کە دەیانەوێت هەڵبژاردنێکی بێگەرد لە وادەی خۆیدا بەڕێوەبچێت و یاری بە چارەنووس و دەنگی خەڵکەوە نەکرێت.

‏‎سەرۆکی یەکێتی راشیگەیاندووە، لەسەرەتای دروستبوونی کێشە سیاسی و یاساییەکانەوە سەبارەت بە پرسی هەڵبژاردن، یەکێتی بە ئەوپەڕی بەرپرسیارێتییەوە کاری بۆ سازان و رێککەوتنی نیشتمانی کردووە و ھەنگاوی پێویست نراوە  لەنێوان هەموو لایەنە سیاسییەکاندا کە یاسای هەڵبژاردن هەمواربکرێتەوە و ھاوتەریب کۆمسیۆنیش کارابکرێتەوە، دوور لە خۆسەپێنیی خواستی کۆمەڵانی خەڵکی تێدا جێبەجێبکرێت و کورسی کۆتاکان بۆ یەکلاکردنەوەی پرسە چارەنووسسازەکان بەکارنەهێندرێت وەک ئەوەی دوێنێ روویداوە كە نەدەبوو رووبدات.

‏‎لەبارەی نوێنەرایەتی پێکهاتەکان و هەڵبژاردنی چارەنووسی خۆیانەوە تاڵەبانیی وتووشیەتی "ئێمە لە سەرەتاوە داوامانکردووە پێکهاتەکان نوێنەرایەتی راستەقینەی خۆیان بکەن و لە ململانێ سیاسی و حزبییەکاندا بەکارنەهێنرێن".

‏‎هەر بەپێی راگەیەندراوەكە، لەبەشێکی دیكەی وتەکانیدا سەرۆکی یەکێتی، وێڕای هەڵوێستەکردن لە سەر دۆخی گشتیی هەرێم و عیراق بەرچاوروونیداوەتە پەرلەمانتارانی یەکێتی و داوایکرد، وەک هەمیشە پشتبەستوو بە یاسا لە سەنگەری بەرگریی لە مافەکانی خەڵکدا بن و رێگەنەدەن دامەزراوە شەرعی و یاساییەکان بۆ بەرژەوەندیی حزبی بەکاربهێنن و شکۆی دامەزراوە نیشتمانییەکان لەکەداربکرێت.

‏‎هاوكات  بافڵ تاڵەبانی گەشبینی خۆی نیشانداوە کە بە پشتیوانیی دڵسۆزانی گەل و وڵات ئەم دۆخەش تێدەپەڕێندرێت و داوایکردووە هەموولایەک بەرپرسیارانە مامەڵە لەگەڵ ئەم قۆناغە هەستیارەدا بکەن، وتووشیەتی "دەبێت بەدیهێنانی بەرژەوەندییە نیشتمانییەکان ئەرکی لەپێشینەمان بێت".

‏سەبارەت بە گرژییەكانی ئەمدواییەی پەرلەمان جەختیكردووەتەوە، ‎سەرباری ئەو كێشەیەی لە پەرلەمان روویدا، یەكێتی نیشتمانیی كوردستان لەسەر باوەڕە نەگۆڕەكانی خۆی سوورە و دەرگای بۆ هەموو گفتوگۆ و لێكتێگەیشتنێك كراوەیە كە ئامانج لێی چارەسەركردنی كێشەكان و بەڕێوەچوونی هەڵبژاردنێكی بێگەرد بێت لە وادەی خۆیدا.

ژ.ع

 
Qaiwan
Qaiwan

زۆرترین خوێندنەوە

بیروڕا


News

عادیلە خانم؛ تەواری مێژووی دوور

لەلایەن زوڵفان غەریب



News

کارکردنی ژن و کەرتی تایبەت و گشتی

لەلایەن نەرمین عوسمان


News

کێشەی کەلەدۆنیای نوێ

لەلایەن د.نازەنین عوسمان