مەودا میدیا-

بەڕێوەبەرایەتیی هاتوچۆی سلێمانی ئاگاداریی سەرجەم شۆفێران دەکاتەوە کەوا لە سبەینێوە کامێراکانی خاڵ بۆ خاڵ تیژەوی ئۆتۆمبێلەکان تۆماردەکەن.

لە راگەیەندراوێکدا بەڕێوەبەرایەتیی هاتوچۆی سلێمانی رایگەیاند "هاتوچۆی سلێمانی ئاگاداری شۆفێران ده‌كاته‌وه‌، دوای كه‌وتنه‌كاری كامێراكانی چاودێری تیژڕه‌وی ناسراو به‌خاڵ بۆ خاڵ بۆ ماوه‌ی هه‌فته‌یه‌ك به‌شێوه‌ی تێست، له‌سبه‌ینێ دووشه‌ممه‌وه‌ 29ی ئایاری 2023 لە کاتژمێر 8:00ی بەیانییەوە له‌ هه‌ردوو رێگه‌ی (سلێمانی- دوكان)، كامێراكان تیژڕه‌وی ئۆتۆمبێل تۆمار ده‌كه‌ن‌ به‌پێی بڕیاری ئه‌نجومه‌نی وه‌زیران ژماره‌ (79)ی ساڵی 2016، شۆفێری سه‌رپێچیكار سزا ده‌درێت".

هاتوچۆی سلێمانی لە راگەیەندراوەکەدا داوا لە شۆفێران دەکات پابه‌ندبن به‌و خێراییه‌ی له‌ڕێگه‌كه‌ دیاریكراوه‌.

س،ر