مەودا میدیا -

 

بەڕێوەبەرایەتیی بەرگریی شارستانیی هەڵەبجە رایدەگەیەنێت هاوڵاتییان و شوێنە گشتییەکان ئاگاداردەکەینەوە لەپێناو پاراستنی سەر و ماڵیان پێویستە لەماوەی 15 رۆژدا سەردانی بەڕێوەبەرایەتییەکەمان بکەن.

 

ئەمڕۆ یەکشەممە 28ی ئایاری 2023 بەڕێوەبەرایەتیی بەرگریی شارستانیی هەڵەبجە  "ئەو هاوڵاتیی و شوێنە گشتییانە ئاگاداردەکەینەوە کە سیستەمی غازی LPG لە ماڵەکانیان و شوێنە گشتییەکانیان بەکاردەهێنن، لەماوەی 15 رۆژدا سەردانی بەڕێوەبەرایەتییەکەمان بکەن".

 

باسی لەوەشکردووە "ئەم سەردانیکردنە لەپێناو بەرژەوەندی گشتیی و پاراستنی سەر و ماڵی خۆیان و دراوسێکانیانە و ئامانج لێی ناو تۆمارکردنە لە بەڕێوەبەرایەتیی بەرگری شارستانیی هەڵەبجە".

 

ئەوەشی خستووەتەڕوو "گەر ئەو شوێنانەی خاوەنی سیستەمی غازی LPGن ناو تۆمارنەکەن، بە پێچەوانەوە خۆیان بەپرسیار دەبن لە رووی یاساییەوە و سەلامەتی ماڵ و گیانی خۆیان و دراوسێکانیان دەكەوێتە ئەستۆ لە کەمتەرخەمییان".

ر.ع