مەودا میدیا- سازگار ئەحمەد

نوێنەری گشتیی مامۆستایانی وانەبێژ رایدەگەیەنێت دەست بە دابەشکردنی شایستە داراییەکانی مانگی چواری مامۆستایانی وانەبێژ کراوە، ئاماژە بەوەشدەکات لەم هەفتەیەدا لە چەندین پەروەردە دابەشدەکرێت.

ئەمڕۆ دووشەممە 29ی ئایارت 2023 کارۆخ عەبدوڵڵا، نوێنەری گشتیی مامۆستایانی وانەبێژ بە مەودا میدیای راگەیاند "دەست بە دابەشکردنی شایستە داراییەکانی مانگی چواری مامۆستایانی وانەبێژ کراوە".

ئاماژەی بەوەشکرد "لەم هەفتەیەدا لە چەندین پەروەردەی سنووری هەولێر شایستە داراییەکانی مانگی چواری مامۆستایانی وانەبێژ دابەشدەکرێت، دواتریش پەروەردەکانی دیکە دابەشدەکرێن".

بەپێی رێنوێنیی ژمارە 14ی دارایی، ئەو مامۆستا وانەبێژانەی هەڵگری بڕوانامەی دبلۆمن، 350 هەزار دیناریان بۆ خەرجدەکرێت و بۆ هەڵگرانی بڕوانامەی بەکالۆریۆسیش 400 هەزار دینار خەرجدەکرێت.

س،ر