مەودا میدیا -

 

وەزیری کشتوکاڵی هەرێمی کوردستان رایدەگەیەنێت جوتیاران دەتوانن راستەوخۆ بەرهەمەکانیان رادەستی سایلۆکان بکەن و لەمەودوا وەرگرتنی گەنم ئازاد دەکرێت.

 

ئەمڕۆ دووشەممە 29ی ئایاری 2023 بێگەرد تاڵەبانی، وەزیری کشتوکاڵ و سەرچاوەکانی ئاوی هەرێمی کوردستان رایگەیاند "بەپێی ئەو پشتگیرییەی لە فەرمانگەکانی وەزارەتی کشتوکاڵەوە بۆ جوتیاران دەکرێت، بۆ لەمەودوا وەرگرتنی گەنم ئازاد دەکرێت لە سایلۆکان".

 

باسی لەوەشکردووە "ئەو جوتیارانەی گەنمەکانیان دوریوەتەوە و ئامادەیە، راستەوخۆ دەتوانن بەرهەمەکانیان رادەستی سایلۆکانی ناوچەکانیان بکەن".

 

وەزیری کوشتوکاڵ ئەوەشی خستووەتەڕوو "بڕیاردراوە دەروازەکانی ناوەڕاست و خوارووی عیراق بکرێنەوە بەڕووی هەناردەکردنی بەرهەمە خۆماڵییەکانی جوتیارانی هەرێمی کوردستاندا".

ر.ع