مەودا میدیا-

به‌ تۆمه‌تی‌ ئه‌نجامدانی‌ سیحر و جادو و فریودانی‌ هاوڵاتییان، مه‌فره‌زه‌كانی‌ بنكه‌ی‌ پۆلیسی‌ ئه‌زمه‌ڕ ژنێكی‌ ته‌مه‌ن 79 ساڵیان  ده‌ستگیركرد.

بەڕێوەبەرایەتیی پۆلیسی سلێمانی راگەیاند "له‌سه‌ر سكاڵای‌ هاوڵاتییه‌ك‌ و دوای‌ وه‌رگرتنی‌ بڕیاری‌ دادوه‌ری‌ لێكۆڵینه‌وه‌، مه‌فره‌زه‌كانی‌ بنكه‌ی‌ پۆلیسی‌ ئه‌زمه‌ڕ تۆمه‌تبارێكیان ده‌ستگیركرد كه‌ هاوڵاتییانی‌ فریودابوو كاری‌ سیحرو جادوی‌ ئه‌نجامدابوو، له‌كاتی‌ ده‌ستگیركردنیداو دوای‌ پشكنینی‌ ماڵی تۆمەتبار، ده‌ستگیرا به‌سه‌ر ژماره‌یه‌كی‌ زۆر نوشته‌دا".

لە راگەیەندراوەکەی پۆلیسی سلێمانی هاتووشە "تۆمه‌تبار (ف، ج، ع) ته‌مه‌ن 79 ساڵ به‌بڕیاری‌ به‌ڕێز دادوه‌ر راگیراوه‌ و لێكۆڵینه‌وه‌كان به‌رده‌وامه‌".

س،ر