مەودا میدیا -

 

وەزارەتی بازرگانیی عیراق رایدەگەیەنێت لە پارێزگای سلێمانی 160 هەزار تەن گەنم وەرگیراوە و ئەو بڕەش زۆرتین رێژەی گەنمی وەرگیراوە لەناو هەموو پارێزگاکاندا.

 

ئەمڕۆ حەیدەر نوری، بەڕێوەبەری گشتیی کۆمپانیای بازرگانیی دانەوێڵەی عیراق رایگەیاند "رێژەی بەرهەمهێنانی گەنم لە سەرانسەری عیراقدا دوو ملیۆن تەنی تێپەڕاندووە و زۆرترین رێژەی گەنمی بەرهەمهاتووش لە پارێزگای واست بووە کە 430 هەزار تەن بووە".

 

باسی لەوەشکردووە "کەمترین رێژەی بەرهەمی گەنمیش لە پارێزگای بەسرە بووە و هەرێمی کوردستانیش لە لوتکەی بەرهەمهێنانی گەنمدایە لە ئێستادا".

 

ئەوەشی خستووەتەڕوو "هەموو پارێزگاکانی عیراق بەشداربوون لە بەبازاڕکردنی دانەوێڵە و لە پارێزگاکانی کەرکوک و نەینەوا و سەڵاحەدینیش زۆرترین بەرهەمهێنانی گەنمی تێداکراوە".

ر.ع