مەودا میدیا-

 كەشناسیی هەرێم رایدەگەیەنێت ئاسمانی هەرێم بە گشتیی لە 48 كاتژمێری داهاتوو لەنێوان پەڵەهەور و نیمچەهەور دەبێت و ئەگەری هەورەبروسكە و نمەباران لە ناوچە شاخاوییەكان هەیە.

بەپێی راگەیەندراوی كەشناسیی هەرێم، ئەمڕۆ هەینی 2ی حوزەیرانی 2023 ئاسمانی هەرێمی کوردستان بە گشتی هەور و نیمچەهەور دەبێت، هاوكات سبەینێ شەممە لە ناوچە شاخاوییەکانی پارێزگای دهۆک ئەگەری نمەباران هەیە.

ئاماژەی بەوەشكردووە، بۆ ئەمڕۆ هەینی پلەكانی گەرما نزیكدەبێتەوە لە تۆماركراوەكانی دوێنێ و سبەی شەممە بەرزدەبێتەوە بە رێژەی 3 هەتا 4 پلەی تۆماركراوەكانی ئەمڕۆ.

بەرزترین پلەكانی گەرمای پێشبینیكراو بە پلەی سیلیزی لە ناوچەكانی هەرێم بەمشێوەیەیە:
هەولێر     : 38 پلەى سیلیزى
سلێمانی   :   35 پلەى سیلیزى
دهۆک      :   37 پلەى سیلیزى
کەرکوک   :   39 پلەى سیلیزى
هەڵەبجە   :   36 پلەى سیلیزى
حاجی ئۆمەران :   25 پلەى سیلیزى
زاخۆ      :      37 پلەى سیلیزى
سۆران :          34 پلەى سیلیزى
گەرمیان  :  41 پلەى سیلیزى
 
ژ.ع