مەودا میدیا-

وەزارەتی تەندروستی عیراق رایگەیاند، پێنج كەسی تر لە عیراق توشی كۆرۆنا بوون ژمارەی توشبووانیش بۆ 110 كەس بەرزبووەتەوە.

بەپێی راگەیەندراوێكی وەزارەتی تەندروستی عیراق "پێنج حاڵەتی نوێی توشبوون بە كۆرۆنا دوای ئەوەی پشكنینیان بۆ كرا، دەركەوت هەڵگری ڤایرۆسی كۆرۆنان".

ئاماژە بەوەشكراوە "لە بەغدا سێ حاڵەت تۆماركراون، لە زیقار حاڵەتێك و لە كەربەلا حاڵەتێكی تر تۆماركراوە".

ئەوەش خراوەتەڕوو "تائێستا ئەوانەی توشی كۆرۆنا بوون 110 كەس دەبن، 26 چاك بوونەتەوە و 9 كەسیش مردوون".